Unha moura aburrida, unha pallasa triste, unha trasna arrefriada…e moitos, moitos, moitos biosbard – Farándula Velutina

A señora Moura é rica , fermosa e intelixente . Ten todo canto calquera podería desexar, pero non é quen de desfrutar da vida: está mortalmente aburrida . Cansa de contar moedas e mirarse ao espello todo o día, engana a unha trasna cumpridora de desexos para que lle solucione o seu problema. A trasna, que é unha enredante, fai o que non debe para cumprir o mandado da moura e unha pobre pallasa acaba perdendo o sorriso e chorando sen parar. Arrepentida, a trasna porá todo da súa par te para arranxar o tremendo enguedello que provocou, pero non se lle dá moi ben que digamos. Unha comedia chea de risas, moedas, esbirros, pallasadas... e moitos, moitos, moitos biosbardos.