CANCIÓNS DUNHA VIDA – AGRUPACIÓN ARTÍSTICA NAS ONDAS DO MAR (Asociación SONSDEVENTO)

O espectáculo consiste no concerto durante unha hora dunha agrupación músico-vogal ferrolá de arraigada traxectoria dende 1986 con varios discos gravados, presenza e TVG e TVE e máis de oitocentos concertos por toda Galicia, Asturias, Illas Canarias e Portugal, que desenvolve un programa de música coral con acompañamento de instrumentación de corda, teclados e percusión. O repertorio abrangue diferentes estilos musicais de música galega e internacional, con importante presenza de ritmos suramericanos e canción popular, coa intervención de solistas.