Bruxo Cabacín – Mago Iván Tourís

Bruxo Cabacín é un show para todos os públicos no que un trasgo invisible fai a presentación do mago ao comezo dando as indicacións que serán desenvoltas ao longo da actuación. O bruxo aparecerá e comezará os seus xogos máxicos con lume, música, baile e, sobre todo, moita participación do público asistente. Os xogos con lume será feitos sempre á distancia de seguridade pertinente e sempre que o recinto os permita na súa medida. Haberá música, bailes, risas e, sobre todo, moita maxia e cousas inexplicables que farán o disfrute de pequenos e maiores. A temática escura empregada irá tornando nun ambiente afable para dar lugar ao gran final con lume e moita participación do público.